Azərbaycan, Bakı, 6 iyul /Trend, müxbir T.Hacıyev/
Azərbaycanın Sumqayıt şəhərinin yaşayış binalarının dam örtüklərinin və fasadlarının təmiri ilə bağlı görülən işlər davam etdirilir.
İcra Hakimiyyətinin mətbuat xidmətinin çərşənbə axşamı yaydığı məlumata görə, birinci yarım il ərzində 8 yaşayış binasının fasad divarları əsaslı təmir edilərək rənglənib. Son illər ərzində isə ümumilikdə 240-dan çox binanın xüsusi layihələrə əsasən, zövqoxşayan rənglərlə boyanması şəhərin memarlıq görkəminə yaraşıq gətirib.
Qeyd olunanlarla yanaşı, hazırda şəhərin 6-cı mikrorayon ərazisində yerləşən 27, 30 və 35 saylı yaşayış binalarının fasad hissəsində əsaslı təmir işləri aparılır. Şəhərdə, ümumilkdə, 1 436 yaşayış binası mövcuddur.