Azərbaycan, Bakı, 12 aprel /Trend , müxbir E.Tarıverdiyeva/
Aprelin 14-dən 17-dək Moskva Dövlət Universitetinin Tarix fakültəsinin dekanı, Rusiya Elmlər Akademiyasının müxbir üzvü Sergey Karpovun rəhbərliyi ilə rusiyalı tarixçilərdən ibarət nümayəndə heyəti Bakıda səfərdə olacaq. Bu barədə Trend-ə nümayəndə heyətinin üzvü, MDU-nun Tarix fakültəsinin dekan müavini, Trend-in Ekspert Şurasının üzvü Aleksey Vlasov bildirib.
Səfər zamanı rusiyalı tarixçilərin azərbaycanlı həmkarları ilə, o cümlədən Azərbaycan Milli Elmlər Akademiyasının Tarix İnstitutunun direktoru Yaqub Mahmudovla görüşü planlaşdırılıb.