Azərbaycan, Bakı, 1 iyun /Trend, müxbir İ.İsabalayeva/
Azərbaycan Səhiyyə Nazirliyi bu gündən içlik vərəqələri Azərbaycan dilində olmayan dərman preparatlarının ölkəyə idxalını dayandırıb.
Səhiyyə Nazirliyindən cümə günü Trend-ə verilən məlumata görə, ölkəyə gətirilən dərmanların içlik vərəqələri Azərbaycan dilində də olmalıdır. Bununla əlaqədar artıq bu gündən içlik vərəqələri Azərbaycan dilində olmayan dərman preparatlarının Azərbaycan idxalına icazə verilməyəcək.
Nazirlik bununla bağlı dərman şirkətlərinə bir neçə dəfə rəsmi xəbərdarlıq edib.