Azərbaycan, Bakı, 2 oktyabr /Trend/
Ədliyyə orqanlarına qulluğa qəbulla bağlı 2012-ci il iyun ayının 9-da keçirilmiş test imtahanında uğur qazanmış namizədlərlə Ədliyyə Nazirliyinin Müsabiqə Komissiyası tərəfindən fərdi qaydada söhbət aparılıb və müsabiqəyə yekun vurularaq nəticələrə görə 47 nəfər müvəffəqiyyət qazanıb.
Nazirlikdən Trend-ə verilən məlumata görə, həmin namizədlərin qanunvericiliyin tələblərinə müvafiq olaraq peşə fəaliyyətinə buraxılması məqsədilə Ədliyyə Akademiyasında icbari təlimin keçirilməsinə bu ilin oktyabr ayının 8-də başlanılır.
Aidiyyəti məsələlərlə bağlı nazirliyə müraciət oluna bilər (Bakı şəhəri, İnşaatçılar prospekti 1, telefon: 430-01-18, 430-11-05, elektron poçt: [email protected]).