Azərbaycan, Bakı, 20 fevral /Trend/
Xaricdə Təhsil Alan və Məzun Olmuş Azərbaycanlı Gənclərin Beynəlxalq Forumu (ASAIF) Ağ Evə elektron müraciət kampaniyasına start verib.
Forumdan Trend-ə verilən məlumata görə, kampaniyanın əsas məqsədi ermənilər tərəfindən səslənən əsassız fikirlərin qarşısını almaq və Xocalı üçün hazırlanan petisiyada 100.000 tələb olmasına baxmayaraq, vaxtından əvvəl 100.000-dən artıq imzanın toplanmasına olan şübhələrin və bunun üçün Azərbaycanda rəsmi çağırışın olması kimi fikirlərin doğru deyil, əksinə, Azərbaycan sevdalısı olan hər bir kəsin əməyinin nəticəsi, dünyanın hər yerində olan azərbaycanlıların birliyini, milli maraqlara sadiq və dövlətçiliyə bağlı bir millət olaraq bu imza kampaniyasında əmək sərf etmələrinin nəticəsini görmək və petisiyanın legitimliyinin Ağ Ev Administrasiyası tərəfindən tanınmasına layiq olmaqdır.
Administrasiyaya göndəriləcək "mail" kompaniyasında hazırda Amerika Birləşmiş Ştatlarında təhsil alan azərbaycanlı gənclər, orada yaşayan və işləyən həmyerlilərimiz və ABŞ vətəndaşları iştirak edə bilərlər. ASAIF bunun üçün hər kəsi aktiv olmağa və bu kampaniyasında milli birliyə səslənən, həmrəy olaraq daha bir uğura imza atmağa dəvət edir.
Elektron müraciəti aşağıdakı linkə bu mesajı ataraq və xanaları dolduraraq göndərə bilərsiniz: http://www.whitehouse.gov/contact/submit-questions-and-comments
Əlavə məlumatı ASAIF-in Facebook, Twitter, Fan rəsmi səhifələrindən əldə etmək mümkündür.