...

Nəqliyyat Nazirliyi Bakıda avtobus sərnişininin həlak olması faktına aydınlıq gətirib

Cəmiyyət Materials 22 Avqust 2014 12:19 (UTC +04:00)
Dünən axşam Bakıda 71 saylı sərnişin avtobusundan düşən gəncin ölümü ilə bağlı bədbəxt hadisəyə yol-nəqliyyat hadisəsi kimi baxmaq lazım deyil.
Nəqliyyat Nazirliyi Bakıda avtobus sərnişininin həlak olması faktına aydınlıq gətirib

Azərbaycan, Bakı, 22 avqust /Trend, müxbir Emil İsmayılov/

Dünən axşam Bakıda 71 saylı sərnişin avtobusundan düşən gəncin ölümü ilə bağlı bədbəxt hadisəyə yol-nəqliyyat hadisəsi kimi baxmaq lazım deyil.

Bu barədə cümə günü Trend-ə Azərbaycan Nəqliyyat Nazirliyinin İctimaiyyətlə əlaqələr şöbəsinin rəhbəri Namiq Həsənov bildirib.

Onun sözlərinə görə, gənc yıxılması nəticəsində başının asfalta dəyməsindən aldığı zərbədən vəfat edib.

Həsənov deyib: "Amma onun yıxılması avtobusdan düşməsindən sonra baş verib".

Şöbə müdirinin sözlərinə görə, hadisə yerinə gələn hüquq-mühafizə orqanlarının nümayəndələri avtobus sürücüsünə qarşı heç bir iddia irəli sürməyiblər, təkcə onun sənədlərini yoxlayıblar.

Hazırda bu faktla bağlı hüquq-mühafizə orqanları tərəfindən araşdırma aparılır.

Məqalədə:
Xəbər lenti

Xəbər lenti