Bakı. Samir Əli-Trend:
Bu gün Bakı Ağır Cinayətlər Məhkəməsində dələduzluqda təqsirləndirilən Ziyad Babayevin cinayət işi üzrə məhkəmə prosesi başa çatıb.
Trend-in məlumatına görə, hakim Ramella Allahverdiyevanın sədrliyi ilə keçirilən prosesdə təqsirləndirilən şəxsə hökm oxunub.
Məhkəmənin hökmü ilə Z.Babayev 9 il azadlıqdan məhrum edilib.
İttihama görə, Z.Babayevin dələduzluq etməsi barədə Sabunçu Rayon Polis İdarəsinin 12-ci Polis Bölməsinə şikasyət daxil olub. Şikayət əsasında polisin keçirdikləri əməliyyat-axtarış tədbirləri nəticəsində Z.Babayev saxlanılıb.
O, Cinayət Məcəlləsinin 178.3.2-ci (dələduzluq, külli miqdarda ziyan vurmaqla törədildikdə) maddəsi ilə ittiham olunub.