Bakı. İlhamə İsabalayeva – Trend:
Xəzər dənizinin suyunun monitorinqlərinin keçirilməsi üçün bir necə məntəqədə analizlər aparılır.
Trend-in məlumatına görə, bunu Ekologiya və Təbii Sərvətlər naziri Muxtar Babayev Nazirlər Kabineti yanında Operativ Qərargahın keçirdiyi brifinqdə deyib.
Onun sözlərinə görə, iyunun 1-də Abşeron bölgəsi üzrə keçirilən analizlərin cavabı hazır olacaq və ictimaiyyətə məlumat veriləcək.
M.Babayev əlavə edib ki, karantin dövründə tətbiq olunan məhdudlaşmalar Xəzər dənizinin sahil sularının keyfiyyətinə də müsbət təsir göstərib: "Məsələn, Nardaran, Pirşağı, Bilgəh ərazilərində dənizdə aparılan son monitorinqlər onu deməyə əsas verir ki, sahilboyu ictimai-iaşə obyektləri fəaliyyət göstərmədiyindən dəniz suyunun çirklənmə səviyyəsində azalma müşahidə edilir".