Bakı. Trend:
Bu il Səudiyyə Ərəbistanında bir milyon zəvvar müqəddəs Məkkə və Mədinəyə Həcc ziyarətində iştirak edir. Həccin əsas ayinlərinin ilk günündə yeni koronavirusa yoluxma halı qeydə alınmayıb.
Trend-in məlumatına görə, bu barədə jurnalistlərə Məkkənin əmiri şahzadə Haled əl-Feysal deyib.
"Pandemiyaya baxmayaraq, Həcc ziyarəti əhəmiyyətli dərəcədə məhdud miqyasda həyata keçirilsə də, bu iki ildə dayandırılmayıb. Bu il biz krallıqdan və xaricdən gələn zəvvarların sayını 1 milyona çatdırdıq və inteqrasiya olunmuş xidmət sistemini işə saldıq", - deyə Məkkənin əmiri bildirib.
Yeni növ koronavirus pandemiyası ilə əlaqədar tətbiq edilən qaydalara əsasən, yalnız tam peyvənd olunmuş və COVID-19 üçün götürülən analiz neqativ çıxmış 18-65 yaş arası şəxslərin Həcc ziyarətinə buraxılmasına icazə verilib.