Bakı. Trend:
Azad edilmiş ərazilərdə doğulan uşaqlara Qələbə müavinətlərinin verilməsi təklif edilir.
Trend-in məlumatına görə, bunu deputat Zahid Oruc Milli Məclisin noyabrın 17-də keçirilən plenar iclasında çıxışı zamanı deyib.
O qeyd edib ki, son 10 ildə Azərbaycanda 0-19 yaş qrupu üzrə əhalinin sayında 2 %-dək azalma, 60 yaşdan yuxarı əhalinin sayında 65% artım var. “Əhalinin demoqrafik qocalması baş verir. Ona görə də Böyük Qayıdışı həm də demoqrafik artıma çevirməkdən ötrü azad edilmiş ərazilərdə doğulan uşaqlara yeni dövlət ödənişlərinin - Qələbə müavinətlərinin verilməsi təkcə sosial deyil, həmçinin mühüm siyasi qərar olardı. Dayanıqlı məskunlaşma, böyük ailələrin gələcək daxili miqrasiyasının qarşısının alınması hökumətin qərarlarından asılıdır”, - deyə o qeyd edib.