Zəngilan. Trend:
Bakı-Tbilisi-Qars (BTQ) dəmir yolunun türk dünyasının iqtisadi inkişafı və rifahı üçün böyük əhəmiyyət kəsb edir.
Trend xəbər verir ki, bunu Türkiyənin nəqliyyat və infrastruktur naziri Abdulkadir Uraloğlu Türk Dövlətləri Təşkilatının (TDT) nəqliyyat nazirlərinin Zəngilan şəhərində keçirilmiş 7-ci iclasında bildirib.
O qeyd edib ki, bu xətt üzrə lazımi işləri tez bir zamanda başa çatdırmalıyıq.
“Mərkəzi dəhlizin digər mühüm komponenti olan Xəzər keçidinin region ölkələri ilə səmərəli, iqtisadi olmasına diqqət yetirməliyik. Logistika əməliyyatlarında problem yaradan yüksək ödənişləri həll edəcəyik. Əminəm ki, biz birgə səylərimizlə bu problemləri tez bir zamanda həll edəcəyik və Xəzər keçidlərini arzuladığımız rəqabətli marşruta çevirəcəyik”, - deyə türkiyəli nazir əlavə edib.
Qeyd edək ki, bu gün Zəngilan şəhərində “Beynəlxalq nəqliyyat-logistika dəhlizi: Zəngilandan inkişaf impulsları” mövzusunda beynəlxalq konfransa start verilib. Konfrans Şərqi Zəngəzur iqtisadi rayonuna daxil olan Cəbrayıl, Qubadlı və Zəngilan rayonlarında Azərbaycan Respublikası Prezidentinin Xüsusi Nümayəndəliyi, Rəqəmsal İnkişaf və Nəqliyyat Nazirliyi, Dövlət Gömrük Komitəsi və Elm və Təhsil Nazirliyinin İqtisadiyyat İnstitutunun birgə təşkilatçılığı ilə keçirilir. Konfransın keçirilməsində məqsəd trans-regional nəqliyyat dəhlizlərinin inkişafı və genişləndirilməsi ilə bağlı dövlət, özəl və akademik sektorlar arasında müzakirələrin təşkili, maraqlı tərəflər arasında əməkdaşlığın qurulmasıdır.