Xocalı. Trend:
Xocalıda daha bir kütləvi məzarlıq aşkarlanıb.
Trend xəbər verir ki, kütləvi məzarlıq qazıntı işləri aparılarkən aşkar edilib.
Əsgəran-Xocalı yolunun üstündə aşkarlanan bu məzarlıqda ən azı 7 itkin düşmüş şəxsə aid meyit qalıqlarının olduğu ehtimal edilir.
Mütəxəssislərin rəyinə görə, qalıqlar mülki şəxslərə aiddir. Onlar qeyri-ənənəvi yolla dəfn olunublar.
Aşkar edilən insan sümüklərində zorakılıq əlamətləri açıq-aydın müşahidə edilir.
