Bakı. Trend:
Qarabağımızın azad edilməsi uğrunda canını verən şəhidlərimizin analarının qarşısında baş əyirik.
Bunu Trend-ə açıqlamasında Xocalı sakini Mehtiyev Nizami deyib.
Onun sözlərinə görə, Allah bütün şəhidlərimizə rəhmət eləsin, qazilərimizə cansağlığı versin.
"Mən özüm 1991-ci ildə Xocalıda yaralanmışam. Müharibədə ayağımı itirmişəm, amma 23 nəfəri xilas edə bilmişəm.
Bu günü görmək mənim üçün xoş təəssüratdır. Bundan sonrakı ömrümüzü doğma yurdumuzda yaşayacağıq", - deyə o bildirib.
Qeyd edək ki, 14.07.2025-ci il tarixindəki köç də nəzərə alınmaqla Xocalı rayonunun 4 yaşayış məntəqəsinə cəmi 327 ailə (1433 nəfər) köçürülüb.