18 oktybar Azərbaycanın Müstəqillik Günü münasibətilə Azərbaycan prezidentinin əfv fərmanı imzalayacağı gözlənilir. Bu barədə Trend ə Prezident Aparatı yanında yaradılmış Siyasi məhbus məsələləri üzrə işçi qrupun üzvü Çingiz Qənizadə məlumat verib.
Artıq Prezident Yanında Əfv Komissiyasının iclası keçirilib və Komissiyaya daxil olmuş müraciətlər müzakirə olunur. Bir neçə gün ərzində komissiya 500-dək ərizəyə baxacaq və konkret siyahı hazırlanaraq ölkə başçısına təqdim olunacaq.
Əfv olunmaq istəyənlərin əksəriyyəti ağır cinayət törətdiyinə görə məhkum olunmuş şəxslərdir və komissiyanın bütün ərizələri müsbət cavablandırması sual altındadır.
Siyahıda Avropa Şurasının siyasi məhbus adlandırdığı məhbusların sayı azdır. Bu, AŞ-nın siyasi məhbus kimi qəbul etdiyi məhbusların əksəriyyətinin ötən müddət ərzində hissə-hissə əfv olunaraq azadlığa çıxması ilə əlaqədardır.
