Azərbaycan, Bakı, 24 may /müx. "TrendLife" Vüqar Vüqarlı/
Şou-biznesdə klip-klip ardınca addımladığı bir zamanda, xalq artisti Alim Qasımov iyul ayında Polşada keçirilən beynəlxalq musiqi festivalına getməyə hazırlaşır. Xatırladaq ki, bu yaxınlarda xanəndə Baltik ölkələrində keçirdiyi qastrol səfərindən qayıdıb. Tallində "Orient" musiqi festivalında, Riqada isə Azərbaycan Mədəniyyəti Günlərində çıxış edib. Bu ərəfədə isə əməkdar artistlər və müğənnilər "palatka" və şadlıq evlərində konsert verə-verə beynəlxalq festivallarda iştirak etməyi arzulayırlar.