Azərbaycan, Bakı / Trend müxbir İ.Əlizadə/ Bakı Apellyasiya Məhkəməsi "Müxalifət" qəzetinin həbsdə olan baş redaktoru Rövşən Kəbirli və şöbə müdiri Yaşar Ağazadənin işi üzrə qərarı gələn həftə elan edəcək. Bu barədə cümə günü Bakıda jurnalistlərin vəkili Rəşid Hacılı məlumat verib.
Vəkil qeyd edib ki, prosedur qaydalara görə Bakı Apellyasiya Məhkəməsi avqustun 10-a qədər hökmü elan etməlidir: "Biz dəfələrlə hakimlə əlaqə saxlamışıq. Lakin hakim hökmün nə vaxt elan olunacağına dair konkret bir söz demir. Amma prosedur qaydalara görə gələn həftə hökm elan olunmalıdır".
"Müxalifət"-çilərin işinə Bakı Apellyasiya Məhkəməsinin hakimi Mirpaşa Hüseynovun sədrliyi ilə bağılır.
Kəbirli və Ağazadə Cinayət Məcəlləsinin 147 və 148-ci maddəsi ilə (böhtan və təhqir) təqsirli bilinərək Yasamal rayon Məhkəməsinin qərarı ilə iki il altı ay müddətinə azadlıqdan məhrum ediliblər.