Azərbaycan, Bakı, 8 noyabr /Trend/
Azərbaycan Premyer Liqasında XII turun oyunları davam edir.
Trend-in məlumatına görə, "Xəzər Lənkəran" doğma meydanda çempionatın lideri "Qarabağ"ı qəbul edib.
Azarkeşlər oyunda bir qol görüblər. 33-cü dəqiqədə Əfran İsmayılov Ağdam təmsilçisinə qələbə gətirən qola imza atıb.
Beləliklə, "Qarabağ" 12 oyundan sonra xalını 29-a yüksəldib. Lənkəran təmsilçisi isə 12 xalla 7-cidir.