Bakı. Trend:
Futbol üzrə İspaniya Superkubokunun finalında "Barselona" komandası "Real Madrid"i 3:1 hesabı ilə məğlub edib.
Trend-in məlumatına görə, görüş Səudiyyə Ərəbistanının Ər-Riyad şəhərindəki Kral Fəhd adına Beynəlxalq Stadionunda keçirilib.
Qalib komandanın heyətində qolları Qavi (33-cü dəqiqə), Robert Levandovski (45) və Pedri (69) vurub. "Real Madrid"in heyətində Kərim Benzema (90+3) fərqlənib.