Bakı. Trend:
Avropa Gimnastikasının təşəbbüsü ilə 2024-cü ildə Bakıda ilk dəfə bədii gimnastika üzrə Avropa Kuboku keçiriləcək.
Trend xəbər verir ki, yeni formatı ilə fərqlənəcək yarışın proqramına “çarpaz-qarşılaşmalar” salınıb.
Belə ki, bu, gimnastların təsnifat yarışlarından sonra final mərhələsinə yüksəlməsi üçün püşkatma əsasında birbaşa bir-biriləri ilə yarışdığı mübarizədir.
Qeyd edək ki, Avropa Kuboku martın 29-dan 31-dək Milli
Gimnastika Arenasında təşkil ediləcək.
Yarışda mükafat fondu olacaq və qalibləri mükafatlandırma qaydaları
mövcuddur.
Avropa kuboku Beynəlxalq Gimnastika Federasiyasına üzv olan bütün ölkələr üçün açıq olacaq. Avropa kubokunda, çoxnövçülük, komanda hesabı və fərdi proqramda final yarışları keçiriləcək. Yarışda təkcə böyüklər deyil, gənclər də iştirak edəcəklər.