Bakı. Trend:
UEFA Avropa Liqasının 1/8 final mərhələsində Almaniyada "Bayer" və "Qarabağ" komandaları arasında cavab matçı başa çatıb.
Trend xəbər verir ki, oyun Almaniyanın "Bayer Leverkuzen" komandasının 3:2 hesablı qələbəsi ilə başa çatıb.
"Qarabağ"ın heyətində qolları Abdullah Zubir (59-cu dəqiqə), Juninyo (68) vurublar. "Bayer"in heyətində Jeremi Frimponq (72-ci dəqiqə), Patrik Şik (90+3, 90+8) fərqləniblər.
Səfərdəki ilk matçda Ağdam klubu ilə 2:2 hesablı heç-heçə edən "Bayer" iki görüşün nəticəsinə əsasən 1/4 finala vəsiqə qazanıb. "Qarabağ" isə Avropa Liqasında mübarizəni dayandırıb.
01:56
xxx
UEFA Avropa Liqasının 1/8 final mərhələsində Almaniyada "Bayer" və "Qarabağ" komandaları arasında cavab matçı keçirilir.
Trend xəbər verir ki, "Bayer"in heyətində 3-cü qolu Patrik Şik vurub.
01:52
xxx
UEFA Avropa Liqasının 1/8 final mərhələsində Almaniyada "Bayer" və "Qarabağ" komandaları arasında cavab matçı keçirilir.
Trend xəbər verir ki, oyunda hesab bərabərləşib. "Bayer"in heyətində Patrik Şik (90+3) fərlqənib.
xxx
01:43
UEFA Avropa Liqasının 1/8 final mərhələsində Almaniyada "Bayer" və "Qarabağ" komandaları arasında cavab matçı keçirilir.
Trend xəbər verir ki, "Bayer" hesab fərqini azaldıb. Almaniya təmsilçisinin heyətində Jeremi Frimponq (72-ci dəqiqə) fərqlənib.
01:26
xxx
UEFA Avropa Liqasının 1/8 final mərhələsində "Bayer" ilə oyunda "Qarabağ" hesabı 2:0 edib.
Trend xəbər verir ki, ikinci qolu 68-ci dəqiqədə Juninyo vurub.
01:25
xxx
UEFA Avropa Liqasının 1/8 final mərhələsində Almaniyada "Bayer" və "Qarabağ" komandaları arasında cavab matçı keçirilir.
Trend xəbər verir ki, "Qarabağ"ın müdafiəçisi Elvin Cəfərquliyev qırmızı vərəqə alıb.
01:17
xxx
UEFA Avropa Liqasının 1/8 final mərhələsində Almaniyada "Bayer" və "Qarabağ" komandaları arasında keçirilən oyunda "Qarabağ" hesabı açıb.
Trend xəbər verir ki, "Qarabağ"ın heyətində Abdullah Zubir (59-cu dəqiqə) fərqlənib.
00:02
xxx
UEFA Avropa Liqasının 1/8 final mərhələsində Almaniyada "Bayer" və "Qarabağ" komandaları arasında cavab matçı başlayıb.
Trend-in məlumatına görə, "BayArena" stadionunda oynanılan qarşılaşma Bakı vaxtı ilə saat 00:00-da start götürüb.
Görüşü ingiltərəli FIFA referisi Entoni Teylor idarə edir.
Qeyd edək ki, komandalar arasında Bakıda keçirilən oyun 2:2 hesabı ilə başa çatıb.