Bakı. Trend:
Bu gün Azərbaycan Premyer Liqasında II tura start verilib.
Trend İdman.biz-ə istinadən xəbər verir ki, ilk oyun günündə bir matç baş tutub.
Son çempion “Qarabağ” “Kəpəz”i sınağa çəkib. Ağdam təmsilçisi rəqibini böyük hesabla məğlub edib. “Azersun Arena”da keçirilən oyunun ilk hissəsində qapılara qol vurulmayıb. Fasilədən sonra Qurban Qurbanov komandası 3 dəfə fərqlənib.
Qeyd edək ki, turun digər matçları avqustun 10-11-də keçiriləcək.
Azərbaycan Premyer Liqası
II tur
9 avqust (cümə)
20:00. “Qarabağ” – “Kəpəz” - 3:0
Qollar: Riçard Almeyda, 48. Abdullah Zubir, 72. Olavio
Juninyo, 84