Bakı. Trend:
İngiltərə milli komandasının heyətində ciddi itki baş verib.
Trend xəbər verir ki, "Çelsi"nin futbolçusu Koul Palmer yığmanın düşərgəsinə qoşulmayacaq. Palmer "Çelsi"nin məşqi zamanı zədələnib və 22 yaşlı hücumameyilli yarımmüdafiəçinin adı millinin heyətindən kənarlaşdırılıb.
Qeyd edək ki, İngiltərə millisi DÇ-2026-nın seçmə mərhələsi çərçivəsində martın 21-də Albaniyanı, 24-də isə Latviyanı qəbul edəcək.