Bakı. Trend:
"Renault" şirkəti Rusiyada 3,6 mindən çox avtomobili geri çağırıb.
Trend-in məlumatına görə, qərar təhlükəsizlik yastıqlarında qeydə alınan qüsurlarla əlaqədardır.
Qeyd olunur ki, geri çağırılma 2017-ci ilin noyabrında Rusiyada satılmış “Sandero”, "Logan", "Dokker" modellərinə şamil olunur.
Bu avtomobillərdə təmir işləri avtomobil sahibləri üçün ödənişsiz əsasda həyata keçiriləcək.