Azərbaycan, Bakı/ Trend müxbir Ü.İsmayılova/ Azərbaycanın lizinq bazarı haqqında hesabat "Euro money" jurnalında dərc olunacaq. Bu barədə məlumatı Azərbaycan Lizinq Şirkətləri Assosiasiyasının (ALŞA) icraçı direktoru Natiq Zeynalov bildirib.
"Euro money" jurnalı hər il dünyanın lizinq şirkətləri arasında dünya korporativ idarəetmə standartlarının istifadəsi və tətbiqi ilə bağlı ekspert araşdırması aparır. "Euro money" sahibkar strukturunun şəffaflığı, maliyyə şəffaflığı, idarəetmə strukturu, maraqlı tərəflərin əlaqələri və idarəetmə maraqları aspektlərindən təhlil aparır.
Zeynalovun sözlərinə görə, bu, Azərbaycanın lizinq bazarının vəziyyəti barədə dərc olunan ikinci hesabatdır.
Azərbaycanın Lizinq Şirkətləri Assosiasiyası 27 oktyabr 2004-cü ildə "Ataleasing", "Unileasing", "Muganleasing" şirkətləri tərəfindən yaradılıb.
