Azərbaycan , Bakı / Trend müxbir İ.Xəlilova / Azərbaycan maliyyə nazirliyi və BNP Paribas fransız bankı Şamaxı-Zaqatala avtomobil yolunun bərpası layihəsinin maliyyələşdirlmə şərtlərini razılaşdırıblar . Cümə axşamı hökümətdən verilən xəbərə görə , bank layihəyə 320 mln. dollar ayırmağa hazırdır .
BNP Paribas kreditin şərtlərinin sadələşdirilməsinə razılıq verib . Razılığa əsasən , kreditin vəsaiti 12 illik libor+ 1 dərəcəsi üzrə 4 illik güzəşt dövrü əsasında təqdim olunacaq .
" Ümumilikdə , Azərbaycanın siyasəti xarici kreditlərin libor +1 faizdən çox olmamaq şərti ilə cəlb etməkdən ibarətdir " - deyə hökümətdə qeyd etdilər .
BNP Paribas Zaqatala sərhədinə qədər ( Şamaxı-İsmayıllı-Qəbələ-Şəki-Qax-Zaqatala-Balakən ) avtomobil yolunun tikintisini israil sığorta şirkəti olan ASHRA-nın sığorta dəstəyi əsasında maliyyələşdirilməyi təklif edir .
Kredit razılığının layihəsi Nazirlər kabinetindədir , iqtisadi qurumların vizası alındıqdan sonra son qərar qəbul olunacaq .
Fransa bankı , həmçinin , Hacıqabuldan Gyrcüstan sərhəddinə qədər avtomobil yolunun iki zolaqlıdan dörd zolaqlıya qədər genişləndirilməsi layihəsinin maliyyələşdirilməsini təklif edir . Bu layihəyə bank 400 mln. dollar ayırmağa hazırdır . Bu vəsait Yaponiyanın beynəlxalq əməkdaşlıq bankının və Nexy sığorta agentliyinin zəmanəti əsasında ayrılacaq .
" Hökümətin hal hazırda öz prioritetlərini dəqiqləşdirməsi səbəbindən bu kreditin alınması üzrə son qərar hələ qəbul olunmayıb " - deyə mənbə bildirdi . Bu layihədə yeganə razılaşdırılmamış məsələ kimi verilən kreditin şərtlərinin razılaşdırılması qalıb . Azərbaycan Maliyyə nazirliyi kredit üzrə faiz dərəcəsinin 0,75-ə endirilməsində israrlıdır . Kredit 20 il müddətinə 4-5 illik güzəşt müddəti ilə veriləcək .