Azərbaycan, Bakı, 11 fevral/ Trend , müxbir S.Babayeva/ Azərbaycanın Qəbələ rayonunun (Bakıdan 250 km məsafədə yerləşir) Nic kəndinin sakinlərinə yanvarın sonunda Afrika taununun aşkar edilməsi üzrə donuzların kütləvi məhvinə görə, kompensasiya ödəniləcək. Bu barədə bazar ertəsi Kənd Təsərrüfatı Nazirliyi nəzdində Dövlət Baytarlıq Xidmətinin mətubat katibi Yolçu Xanvəli məlumat verib.
"Onlar (kənd sakinləri) heyvanlar arasında xüsusi təhlükəli virus xəstəliklərinin, o cümlədən Afrika taununun qeydə alınması zamanı dəymiş zərərin ödənilməsi haqqında hökumətin sərəncamı üzrə kompensasiya alacaqlar", - Xanvəli bildirib.
Virusun yayılma arealının qarşısının alınması üçün Nic kəndində donuzların kütləvi məhvi fevralın 12-də başa çatacaq. Bu günədək kənddəki mövcud 4750 baş donuzdan 4100-ü məhv edilib.
Azərbaycan Kənd Təsərrüfatı Nazirliyi nəzdində Dövlət Baytarlıq Xidməti yanvarın 28-də Afrika taununun aşkarolunduğundan, Nic kəndində karantin elan edib. Bu, Azərbaycan ərazisində Afrika taunu ilə bağlı ilk faktdır.
Xanvəli hadisə yerində epizootiyaya qarşı fövqəladə komissiyanın işlədiyini bildirib. Komissiya müşahidə aparacaq və bazar tariflərinə görə, ziyanın məbləğini müəyyən edəcək. Vəsaitlərin ödəniləcəyi şəxslərin sayı, onların təsərrüfatı, məhv edilən heyvanların sayı haqqında məlumatları özündə birləşdirən yekun aktı Kənd Təsərrüfatı Nazirliyinə təqdim ediləcək. Dövlət idarəsi bu məlumatları Maliyyə Nazirliyinə təqdim edəcək və nazirlik bir ay ərzində dövlət büdcəsi vəsaitindən yerli xəzinədarlıqlara vəsaitləri köçürməlidir.
"Sakinlər Kənd Təsərrüfatı Nazirliyinin yekun aktını Maliyyə Nazirliyinə təqdim etdiyi gündən iki ay ərzində kompensasiya almalıdırlar", - Dövlət Xidmətinin mətbuat katibi bildirib.
Donuzların Afrika tanunu (Pestis africana suum)- retikul-edotelial sistemin yoluxması ilə xarakterizə edilən kəskin virus xəstəliyidir. Təbii yoluxma sağlam donuzların xəstə və virus daşıyıcları olanlarla əlaqəsi zamanı baş verir. İnfeksiya yem, otlaq, nəqliyyat vasitəsilə yayıla bilər. İnkubasiya dövrü 2-5 gündür. Müalicəsi hələ ki, tapılmayıb. Xəstəliyin yüksək təhlükəsizlik səviyyəsinə və çox sürətlə yayıla bilmək qabiliyyətinə görə, profilaktik tədbirlər xəstə olması güman edilən heyvanların ciddi izolyasiyasına yönəlib.
2007-ci ildə virus Gürcüstan və Ermənistanda aşkar edilib. Bu gün bu ölkədə Afrika taunu yarandığından, Azərbaycanın bu ölkədən donuzların alınmasına ötən il iyunun 7-də qoyduğu qadağa qüvvədədir. Münaqişəli münasibətlərə görə, Ermənistanla heç bir iqtisadi əlaqə yoxdur.
Ölkədə donuzçuluq təsərrüfatları Zaqatala, Şəki, Balakən, Gəncə və Bakı ətrafında saxlanılır.