Azərbaycan, Bakı, 26 fevral/ " müxbir İ.Xəlilova/ Avropa Yenidənqurma və İnkişaf Bankı (AYİB) 2008-ci ildə ilk dəfə olaraq, yerli banklar vasitəsilə Azərbaycanda mənzil maliyyələşdirilməsinə başlamağı planlaşdırır. Bu barədə çərşənbə axşamı AYİB-in ölkədəki nümayəndəliyinin rəhbəri Fransiz Deleyi məlumat verib.
"Azərbaycanda banklar öz ipoteka proqramlarını reallaşdırmağa başlayıblar və biz dəstək üçün onlara qoşulmağa hazırıq", - Deleyi bildirib.
Avropa bankı ipotekanın maliyyələşdirilməsi ilə yanaşı, banklara texniki yardım da göstərəcək.
Bundan əlavə, AYİB Azərbaycan Milli Bankı nəzdində fəaliyyət göstərən Azərbaycanın İpoteka Fondu (AİF) ilə də əməkdaşlığa hazırdır. İpoteka kreditləşməsi sisteminin inkişafına dəstək göstərilməsinin istiqamətləri bu həftəyə planlaşdırılan görüşdə nəzərdən keçiriləcək.
AİF Beynəlxalq Maliyyə Korporasiyası, İsveçrənin İqtisadi Məsələlər üzrə Dövlət Katibliyi (Seco) ilə texniki yardımın alınması haqda danışıqlar aparır. İş Dünya Bankı ilə də aparılır, Azərbaycan hökuməti ilə strateji tərəfdaşlıq kontekstində maliyyə sektorunun təkmilləşdirilməsi layihəsi hazırlanır. Buraya ipoteka kreditləşməsinə və ümumilikdə, bu bazarın ipoteka institutları və infrastrukturunun inkişafına dair komponent daxil edilə bilər.
Fond artıq ABŞ Beynəlxalq İnkişaf Assosiasiyası (USAİD) tərəfindən sponsorluq edilən ACDİ VOCA beynəlxalq şirkəti, həmçinin. BMK ilə qarşılıqlı əməkdaşlıq haqqında Memorandum imzalayıb.
Məqalə müəllifinin ünvanı: [email protected]
