Azərbaycan, Bakı, 11 mart/ " müxbir İ.Xəlilova/ Dünya Bankı Bakıda Azərbaycan hökuməti ilə keçirilən danışıqlarda ikinci avtomagistral yolun tikintisi layihəsinin əlavə maliyyələşdirilməsi üzrə $300 mln. təqdim etməyə hazır olduğunu təsdiqləyib. Bu barədə çərşənbə axşamı DB-nin Bakı nümayəndəliyindən məlumat veriblər. Kredit ehtiyatları Beynəlxalq Yenidənqurma və İnkişaf Bankı (BYİB) xətti üzrə ödəmənin 4 il təxirə salınması ilə, 17 il müddətinə və illik libor+0,05 faiz dərəcə ilə veriləcək.
Layihənin son dəyəri əvvəllər nəzərdə tutulan $515 mln.-a qarşı $505 mln. ölçüsündə razılaşdırılıb.
Bunun $205 mln.-u dövlət hesabına ödəniləcək.
Layihə Ələt-Masallı, Bakı-Şamaxı-Muğan avtomagistralında tikinti işlərinin başa çatdırılmasını Sahil qəsəbəsindən (Bakıda) Z.Tağıyev qəsəbəsinədək (Sumqayıtdan uzaqda) ikinci dairəvi yolun tikintisini nəzərdə tutur.
Layihədə dövlətin payının 40,6 faizədək artması [əvvəllə dövlətin iştirakı 10-15 faizlə məhdudlaşırdı] beynəlxalq kreditlər hesabına həyata keçirilən iş, xidmətlərə münasibətdə ƏDV (18 faiz) tətibiqi ilə bağlıdır. Bu xərclər dövlətin layihələrdə iştirakı hesabına ödəniləcək.
Bu yol layihəsi çərçivəsində, Beynəlxalq Yenidənqurma və İnkişaf Bankı şərtləri ilə 4 il güzəştli dövr olmaqla, 20 il müddətinə və illik libor+0,5 faiz dərəcə ilə ayrılan DB-nin birinci krediti $200 mln. ölçüsündə olub. Azərbaycan hökuməti birinci fazaya $65 mln. ayırıb.
Bütün layihənin dəyəri müvafiq olaraq $770 mln. qiymətləndirilir. Bu vəsaitlər hesabına Ələt-Masallı avtomagistralının genişləndirilməsi və marşrutunun dəyişdirilməsi nəzərdə tutulur. Bunun nəticəsində onun uzunluğu 230 km-dən 200 km-dək azalacaq. Bundan əlavə, Bakını respublikanın qərb rayonları ilə birləşdirən Bakı-Şamaxı-Muğan yolunun təmiri, həmçinin. Sahildən Z.Tağıyev qəsəbəsinədək dairəvi yolun tikintisi nəzərdə tutulur.
Məqalə müəllfinin ünvanı: [email protected]
