Azərbaycan, Lənkəran, 13 mart/ Trend , müxbir P.Əliyeva/ Lənkəranın Su Kanalı İdarəsinin rəisi Məhərrəm Məmmədov istehlak edilən suya görə ödəmələrin yığılmasının aşağı səviyyəsini su sayğaclarının işləməməsi ilə izah edir. Lənkəranda abunəçilərin mənzillərində ümumilikdə 2020 su sayğacı quraşdırılıb. Lakin yanvar şaxtaları onların hamısını sıradan çıxarıb.
"Son aylarda yığımların səviyyəsi 2800-3500 manatı ötmür ki, bu da verilən su həcminin dəyərinin yarısını təşkil edir", - Məmmədov bildirib.
İdarə rəisi bildirib ki, fevralda Lənkəran şəhərinə 79 min kubmetr su verilib. Lakin uzunmüddətli istimarla bağlı laraq, "su boruları pis vəziyyətdə olduğu üçün" gündə 10-dək qəza baş verir. Lənkəranın su infrastrukturu 1960-70-ci illərdən fəaliyyət göstərir.
"Azərsu"-nun tərkibinə daxil olan "Birləşmiş Su-kanal" MMC-nin sədri Etibar Məmmədovun Lənkəranın icra başçısı Süleyman Mikayılovla bu yaxınlarda görüşü zamanı bu problemlə əlaqədar bildirilib ki, 2008-ci ildə Lənkəran şəhərində və mikrorayonlarda sıradan çıxmış 3,5 kilometr uzunluğunda su və kanalizasiya xətləri yenidən qurulacaq.