Azərbaycan, Bakı, 15 may/ Trend , müxbir Ü.İsmayılova/ Azərbaycan hökuməti Bavariya iş adamlarını ölkənin qeyri-neft sektorunun inkişafında iştirak etməyə dəvət edir. Bu barədə cümə axşamı Azərbaycan-Bavariya iqtisadi biznes-forumunun gedişində Azərbaycanın İqtisadi İnkişaf nazirliyinin sahibkarlığın inkişafı şöbəsinin rəhbəri Samir Nuriyev məlumat verib.
"Bu gün keçirilən biznes-forum Almaniya regionlarında da Azərbaycan iqtisadiyyatının inkişaf edən sahələrində iştiraka maraq yarandığından xəbər verir", - Nuriyev bildibir.
Forumda maşınqayırma, metal istehsalı, tikinti, turizm, konsaltinq sahələrindən 50 bavariyalı biznesmen iştirak edib.
Nuriyevin sözlərinə görə, iş adamları tanışlıq və biznesin genişləndirilməsi üçün mayın 17-dək rəsmi qurumlar və yerli iş adamları ilə görüşlər keçirəcəklər.
"Azərbaycan hökuməti, əsasən, bavariyalı iş adamlarını infrastruktur və innovasiyaların inkişaf sahələrində iştiraka cəlb etmək niyyətindədir", - Nuriyev bildirib.
Müəlliflə əlaqə saxlamaq üçün elektron ünvan: [email protected]