Azərbaycan, Bakı, 22 may / Trend , müxbir S.babayeva/ "Agrolizing" ASC 120 ədəd texnikanın alınması üçün tender elan edib. Təşkilatın verdiyi məlumata görə, 40 və 120 at gücü olan (müvafiq olaraq 50 və 70 ədəd) təkərli traktor alınması planlaşdırılır.
Tenderdə maraqlı olan şəxslər iyunun 2-nə qədər təkliflərini təqdim etməlidirlər. Tenderdə iştirak haqqı 500 manat təşkil edir.
Əldə olunmuş texnika və ehtiyyat hissələri tədarükçü ilə saziş imzalandığı gündən 80 gün ərzində ASC təqdim olunmalıdır.
"Agrolizing" ASC 2004-cü il oktyabrın 24-də Azərbaycan Respublikasının prezidenti İlham Əliyevin sərəncamı ilə yaradılıb. Müəssisənin fəaliyyəti ölkədə yerli torpaq sahiblərinə müxtəlif kənd təsərrüfatı texnikalarının əldə edilməsi və lizinqə verilməsi yoluyla ölkədə sahibkarlığa dəstək və aqrar sahənin yaxşılaşdırılmasına yönəlib. Hazırda ASC-nin 9 regional aqro servis təchiz etmə bazası və Azərbaycanın bütün rayonlarında, işğal olunmuş rayonlar istisna olmaqla, 57 aqro servis filialı var.
"Agrolizing" 2005-ci il fəaliyyətə başladığı dövrdən, fermerlərə 5 mindən artıq müxtəlif kənd təsərrüfatı texnikası, 110 min ton azot gübrəsi, 26 min ton superfosfat gübrəsi satıb.
Müəlliflə əlaqə saxlamaq üçün elektron ünvan: [email protected]
