Azərbaycan, Gədəbəy, 27 may/ Trend , müxbir Q.Raqifqızı/ Azerbaijan International Mining Company Gədəbəydə qızıl yatağının istismarı üzrə zavodun tikintisini başa çatdırır. İlkin geoloji tədqiqatlara görə, yatağın ehtiyatı 10 ton qızıldan çoxdur. Bu barədə şirkət menecerinin müavini Anatoli Xarkov məlumat verib.
"Zavodun inzibati və sosial obyektlərinin tikintisi artıq 90 faiz yerinə yetirilib", - o bildirib.
Şirkət nümayəndəsinin sözlərinə görə, bir həftədən sonra təcrübi filiz hasilatına başlanılacaq.
Yatağın ehtiyatına əsasən, hər tona 1,5-2 q qızıl, 15-20 q gümüş və 2-3 q mis düşür. Metalın hasilindən sonra o, yüksək kefiyyətli qızıl və gümüş külçələrinin alınması üçün İsveçrədəki emal müəssisəsinə göndəriləcək.
Xarkov qiymətli metalların reallaşdırılmasının beynəlxalq birjalarda həyata keçirləcəyini bildirib.
