Azərbaycan, Bakı, 25 iyun/ Trend , müxbir U.İsmayılova/ Azərbaycan İnvestisiya Şirkəti (AİŞ) və Det.Al Holding Limited metallurgiya zavodunun yaradılmasında birgə iştirak etmək haqqında niyyət memorandumu imzalayıblar. Bu barədə çərşənbə günü AİŞ - dən bildiriblər. Zavodun Gəncə şəhərində tikilməsi planlaşdırılır.
Yeni zavod Daşkəsən dağ-zənginləşdirici kompleksinin Daşkəsən Filizsaflasdırma MMC-nin tərkibinə daxil olacaq. Zavodun ilkin gücü 1 milyon ton səviyyəsində nəzərdə tutulur.
AİŞ biznes-planın hazırlanması və təqdimatından sonra layihədə 25 faiz iştirak payı almaq niyyətindədir.
Azərbaycan İnvestisiya Şirkəti 2006-cı ilin mart ayında, 90 milyon manat kapitalla, neft sektorunun inkişaf etdirilməsi məqsədilə yaradılıb.