Azərbaycan, Bakı, 28 iyu l/Trend Cap müxbir E.İsmayılov/ Azərbaycanın Nəqliyyat Nazirliyi Bakı-İran sərhədi (Cənub istiqaməti) marşrutu üzrə yeni beton yolun tikintisi haqqında qərar qəbul edib. Bu barədə bazar ertəsi nazirlikdən məlumat veriblər.
Nazirlikdən bildiriblər ki, Azərbaycanın Nəqliyyat Nazirliyi gələn ilin birinci rübündə Ələt -İran sərhədi yolunun 22 kilometrlik asfalt hissəsində tikinti işlərini başa çatdırmağı planlaşdırır.
"Bu hissənin tikintisi 2009 - cu ilin birinci rübündə başa çatacaq və asfalt olacaq. Lakin gələcəkdə onu betona dəyişdirmək planlaşdırılır", - nazirlikdən bildiriblər.
Yolun qalan hissəsi ( 22 km - dən sonra) beton olacaq. Bu hissənin tikintisi beton yolun tikintisi haqqında qərar qəbul edilənədək başlanılıb, lakin gələcəkdə onu da əvəzləmək planlaşdırılır. Yolun yeni dördxətli hissəsinin eni 27,5 m təşkil edir.
Layihəyə uzunluğu 195 km təşkil edəcək yeni Ələt-Astara yolunun tikintisi daxildir. Bu yolun 30 kilometri yeni yol qismində tikiləcək ki, bu da Bakıdan İran sərhədinədək məsafəni azaltmağa imkan verəcək.
Hazırda Bakı-Astara yolunun uzunluğu 313 km təşkil edir. Yeni yolun tikintisindən sonra bu məsafə 265 km təşkil edəcək.
Yolun eni təqribən 27- 30 m olacaq. Yol dörd xətdən ibarət olacaq. Bakı -İran sərhədi layihəsinin həyata keçirilməsini 2012 - ci ildə tam başa çatdırmaq planlaşdırılır.
Əvvəllər Dünya Bankı Ələt-Masallı və digər yolların yenidən qurulmasına $300 ayırıb. Kredit, 10 il güzəştli dövr olmaqla, 40 il müddətinə ayrılıb. Asiya Bankı Masallı -Astara yolunun yenidən qurulmasına $500 mln. kredit ayırıb.
Müəlliflə əlaqə saxlamaq üçün elektron ünvan: cap
