Azərbaycan, Bakı, 19 avqust/ Trend , müxbir İ.Xəlilova/Beynəlxalq İnkişaf Korporasiyası ilə birgə layihə çərçivəsində Azərbaycanda biznes-iqlimin təkmilləşdirilməsi gələcək fəaliyyət üçün ölkənin cəlbediciliyini artıracaq. Layihənin realizəsinin başlaması ilə əlaqədar avqustun 19 - da Bakıda memorandum imzalanıb. Bu barədə çərşənbə axşamı memorandumun imzalanması mərasimində Azərbaycanın iqtisadi inkişaf naziri Heydər Babayev məlumat verib. İmzalama mərasimi BMK-nın Baç icraçı direktoru, Dünya Bankının özəl sektor üzrə icraçı vitse-prezidenti Lars Tunnelin Bakıya birgünlük səfəri çərçivəsində keçirilib.
"Özəl sektorun artımı şəraitində biznes-iqlimin təkmilləşdirilməsi çox vacibdir və Azərbaycan hökuməti bununla əlaqədar sahibkarlığın hərtərəfli inkişafına diqqəti artırır", - nazir bildirib.
Tədbirlərin əhəmiyyətli hissəsi 2009 - cu ilə düşür. Bu ildən "vahid pəncərə" vasitəsilə biznesin vahid qeydiyyatı sisteminin tətbiqi BMK- nın Dünya Bankı ilə birgə hesabatı Doing Business üzrə Azərbaycanın reytinqini əhəmiyyətli dərəcədə artıracaq,- Babayev hesab edir.
"Bu layihənin realizəsi Azərbaycanın cəlbediciliyini artıracaq. Belə ki, prosedurların sadələşdirilməsi biznesin tətbiqinə çəkilən xərcləri azaltmağa imkan verir, - Tunnel bildirib. BMK sahibkarlığın inkişafını dəstəklənmək niyyətindədir və bu layihə yollardan biridir.
Layihə BP şirkəti və İsveçrənin Azərbaycanda İqtisadi Məsələlər üzrə Dövlət Katibliyi tərəfindən birgə realizə olunur.
Proqram beş ilə nəzərdə tutulub. O ölkə sahibkarları üçün biznes-iqlimin yaxşılaşdırılması yolu ilə davamlı və hərtərəfli iqtisadi artımın dəstəklənməsini nəzərdə tutur. Layihənin əsas məqsədi sahibkarların fəaliyyətində tənzimləyici maneələrin azalması, kiçik və orta sahibkarlıq arasında sorğu yolu ilə biznes-iqlimin monitorinqinin aparılması, maarifləndirmə işi aparmaqla sahibkarların hüquqi biliklərinin artırılmasıdır.
Azərbaycan hökuməti 2007-2008 - ci illərdə "vahid" pəncərə prinsipinin tətbiqi ilə sahibkarlıq fəaliyyətinin qeydiyyatı prosesində islahatlara başlayıb. Bundan əlavə, lisenziyalaşdırma və tikililərə icazələrin verilməsi sisteminin təkmilləşdirilməsi, sərmayədarların hüquqlarının müdafiəsi üzrə iş aparılıb, vergi sistemi və əmək fəaliyyəti sahəsinə dəyişikliklər edilib.
Seco biznes-iqlimin təkmilləşdirilməsi üçün hökumətə $4,3 mln. qrant təqdim edib.
BMK MDB ölkələrində biznes-iqlimin təkmilləşdirilməsi layihələri vasitəsilə dəyişikliklər etməyə və 11 əsas qanun/qaydanın qəbuluna yardım edib ki, bu da kiçik və orta sahibkarlara $93 mln. qənat imkanı verib.
Avqustun 18-nə olan cari məzənnə -- 0,8151 AZN/USD.
Müəlliflə əlaqə saxlamaq üçün elektron ünvan: [email protected]
