Azərbaycan, Bakı, 17 sentyabr/ Trend , müxbir Ü.İsmayılova/ Yanvar-iyunda Azərbaycan sərhədini 3344,9 min nəfər keçib ki, bu da ötən ilin altı ayı ilə müqayisədə, 728,6 min nəfər çoxdur, - Dövlət Statistika Komitəsindən çərşənbə günü bildiriblər.
Ümumi sayın 49,2 faizini 135 ölkədən gələn əcnəbilər, 50,8 faizini isə, 132 ölkəyə yola düşən vətəndaşlar təşkil edib.
Bu dövr ərzində ölkəyə 1644,2 min nəfər gəlib, onların 52,4 faizi Azərbaycan vətəndaşları, 47,6 faizi əcnəbilərdir. Ölkəyə gələn əcnəbilərin 33,2 faizi Gürcüstan, 29,7 faizi - Rusiya, 16,7 faizi - İran, 9,7 faizi - Türkiy, 1,6 faizi - Böyük Britaniya, 1,5 faizi - Ukrayna, 0,8 faizi - ABŞ, 0,7 faizi - Qazaxıstan, 0,6 faizi - Almaniya, 5,5 faizi - digər ölkələrin vətəndaşları olub.
Müəlliflə əlaqə saxlamaq üçün elektron ünvan: [email protected]
