Azərbaycan, Bakı, 20 sentyabr/ Trend , müxbir Ü.İsmayılova/ Yanvar-avqustda MDB ölkələrindən Azərbaycana $1,5 mlrd. məbləğində mal idxal olunub ki, bu da ölkənin ümumi idxalının 33 faizini təşkil edir, - Dövlət Gömrük Komitəsindən şənbə günü bildiriblər.
Birlik ölkələrindən Azərbaycana dənli bitkilər, quru nəqliyyatı vasitələri, qara metallurgiya məmulatları, avadanlıq və mexaniki qurğular gətirilib.
Azərbaycandan MDB ölkələrində $1,01 mlrd.-lıq mal ixrac edilib (ümumi ixracın 2,68 faizi).
Birlik ölkələrinə, əsasən, mineral yanacaq, şəkər, qənnadı məmulatları, neft məhsulları, kimyəvi maddələr, heyvan və bitki yağları, pambıq, meyvə, tərəvəz ixrac edilib.
MDB ölkələri ilə idxal-ixrac əməliyyatları üzrə $490 mln. mənfi saldo formalaşıb.
Müəlliflə əlaqə saxlamaq üçün elektron ünvan: capи[email protected]
