Azərbaycan, Bakı, 07 oktyabr/ Trend , müxbir İ.Xəlilova/ "Azərbaycan İnvestisiya Şirkəti" (AİŞ) ASC birgə sərmayə strukturunun yaradılmasını gözləmədən, sərmayələrin yatırılması üçün Küveyt Maliyyə Evinə (Kuwait Finance House - KFH) layihələr təqdim edib, - AİŞ-in icraçı direktoru Anar Axundov çərşənbə axşamı bildirib.
"Layihənin maliyyələşdirilməsi yaradılan struktur, birgə maliyyələşdirmə və ya KFH tərəfindən birbaşa maliyyələşdirmə vasitəsilə mümkündür", - Axundov bildirib.
AIŞ və KFH arasında birgə Fondun 2007 - ci ilin mayında imzalanan niyyət memorandumu əsasında yaradılması nəzərdə tutulur. Bu Fond vasitəsilə Azərbaycanda birgə investisiya layihələri reallaşdırılacaq. Razılaşmaya əsasən, AIŞ yeni təşkilatın səhmlərinin 25, KFH isə 75 faizini almağı planlaşdırır. Memorandumda nəzərdə tutulan tədbirlərin həyata keçirilməsi nəticəsində, Azərbaycanda investisiya iqliminin inkişafı və daha çox biznes - layihələrin reallaşdırılmasına şərait yaradılacaq. Sərmayə şirkətinin kapitalının minimal ölçüsü $25 mln. təşkil edəcək. Əvvəllər birinci iki il ərzində onu $20mln. məbləğinə çatdırmaq planlaşdırılırdı və AİŞ - in iştirak payının $5 mln. olacağı gözlənilirdi.
"Bu şirkətin yaradılmasına dair sənədlər artıq hazırdır. Müqavilə üzrə bir neçə bəndi dəqiqləşdirmək qalıb və hazırda tərəflər arasında müzakirə edlir, - AİŞ - in rəhbəri bildirib. - Paralel olaraq, KFH-i yerli biznes - mühitlə tanış edir, görüşlər təşkil edirik".
[Hazırda bu şirkətə daha səmərəli sərmayə yatırmaq və ola bilsin, sərmayə məbləğinin bölünməsi məsələsi nəzərdən keçirilir].
Onun sözlərinə görə, təqdim edilən layihələr arasında kommersiya daşınmaz əmlakı, soyuducu anbarların yaradılması sahəsində layihələr var.
İslam qurumları daim kənd təsərrüfatı, infrastruktur, loqistika, nəqliyyat sahələrindəki layihələrə maraq göstəriblər və Küveyt Maliyyə Evi ilə, əsasən, bu istiqamətlərdə işləmək planlaşdırılır,- Axundov bildirib.
AİŞ layihələrdə minoritar səhmdar kimi çıxış etmək niyyətindədir. Azərbaycana əsas kapital əcnəbi sərmayədardan gələcək.
Müəlliflə əlaqə saxlamaq üçün elektron ünvan: [email protected]
