Azərbaycan, Bakı, 14 noyabr/ Trend , müxbir N.İsmayılova/ Azərbaycan Milli Bankı (AMB) ölkənin bank sektoruna nəzarəti gücləndirilmək və avtomobil alqısı üçün kreditlərin verilməsi şərtlərini sərtləşdirmək barədə göstəriş verib. Bu barədə bank dairələrindəki mənbədən məlumat alınıb.
AMB bu göstərişlə Azərbaycan banklarında riskləri azaltmağa və onları dünya maliyyə böhranının təsirindən qorumağa çalışır. Avtomobil kreditləşdirməsində daha fəal iştirak edən banklar maliyyələşdirmə şərtlərinə yenidən baxmalıdırlar. Bəzi banklar isə ümumiyyətlə kreditləşdirməni dayandırıblar.
Milli Bankın tələblərindən biri də alıcının ödədiyi ilkin ödənişin məbləğinin hazırki 20 faizdən artırılması ilə kreditlərin verilmə müddətini beş ildən üç ilədək azaltmaq olub. Uçot dərəcəsinin 10 faizədək azaldılması ilə əlaqədar olaraq, Milli Bank avtomobil kreditləri üzrə faiz dərəcələrinin 15 faizədək azaldılmasının lehinə çıxış edir.
Atra Bank-dan bildiriblər ki, bank artıq iki həftədir avtomobil alqısına kreditlərin verilməsini dayandırıb, Azərbaycan Sənaye Bankı isə bunu təxminən bir aydır ki, edib.
NBC Bank Nurgun Motors şirkətində avtomobillərin alqısına 23 faiz dərəcə ilə beş il müddətinə kreditlərin verilməsini davam etdirir.
Nikoil Bank avtomobillərin alqısına Avropa valyutasında illik 20 faiz dərəcə ilə bir il müddətinə kredit verir. Əvvəllər bank daha uzun müddətli kreditlər versə də, hazırda bu dayandırılıb.
Kapital Bank-dan bildiriblər ki, artıq 10 gündən çoxdur ki, avtomobil alqısına kreditlərin verilməsini dayandırıblar. Lakin müştərilərlə əvvəllər bağlanmış müqavilələr qüvvədədir və yenidən nəzərdən keçirilməyəcək. Bank aşağıdakı şərtlərlə kreditlər verib: manatla illik 13 faiz dərəcə üzrə iki il müddətinə, manatla illik 12 faiz dərəcə üzrə üç il müddətinə.
Standard Bank avtomobil alqısına verilən kreditlərin faiz dərəcələrini 18 faizdən 19 faizə, ilkin ödənişi 20 faizdən 35 faizədək artırıb, kreditlərin verilməsi müddəti beş ildən üç ilədək azaldılıb. Bankdan bildiriblər ki, avtomobil kreditləşdirməsi üzrə bütün şərtlərə (faiz və müddət) bir həftədən sonra yenidən baxılacaq. Bununla yanaşı, əvvəllər bağlanmış müqavilələrə yenidən baxılması nəzərdə tutulmur.
Noyabrın 14-nə olan cari mübadilə məzənnəsi - 0,8093AZN/USD.
Müəlliflə əlaqə saxlamaq üçün elektron ünvan: [email protected]
