Azərbaycan, Bakı, 13 yanvar/ Trend , müxbir Ü.İsmayılova/ Azərbaycanda Baltikums Bankas Grupa (BBG) beynəlxalq özəl maliyyə qrupuna daxil olan Latviyanın Baltikums Direct SIA şirkətinin nümayəndəliyi qeydiyyatdan keçib. Bu barədə çərşənbə axşamı Vergilər Nazirliyindən bildiriblər.
Şirkətin hüquqi nümayəndəsi Natalya Capisevadır.
Şirkət dekabrın 10-da qeydiyyatdan keçib.
1994 - cü ildə Latviyada yaradılan BBG hüquqi şəxslər və struktur bölmələrini - Baltikums Banka, Baltikums Banka Private Banking, Baltikums Asset Management, Baltikums Trust Management, "Baltikums Trast" MMC (Rusiya) və s. birləşdirir.
BBG dörd ölkədə fəaliyyət göstərir, 250 nəfərdən çox heyətə malikdir, özəl və korporativ müştərilərə aktivlərin, şəxsi kapitalın idarə olunması, sərmayə-bank, konsaltinq və sığorta üzrə xidmətlər göstərir. Bu xidmətlər bankın xüsusi şəbəkələri, nümayəndəlikləri və filialları vasitəsilə həyata keçirilir.
Baltikums Direct SIA konsaltinq xidməti göstərir, bir sıra ölkələrdə Baltikums bank qrupunun maraqları təmsil edir.
Məqalə müəllifi ilə əlaqə ünvanı - [email protected]
