Azərbaycan, Bakı, 28 yanvar/ Trend , müxbir N.İsmayılova/
2008-ci ilin dördüncü rübündə vergi ödəyicilərinin 62,7 faizi Azərbaycanın Vergilər Nazirliyinə vergi bəyannamələrini elektron şəkildə təqdim ediblər, - Idarənin məlumatında deyilir.
2008-ci ilin birinci rübündə nazirliyə təqdim edilmiş vergi bəyannamələrinin yalnız 27,1 faizi elektron şəkildə olub. İkinci rübdə bu göstərici 38,8 faiz, üçüncü rübdə isə 48,1 faizə bərabər olub.
Məlumatda deyilir ki, göstəricilərin belə artımına Nazirliyinin elektron vergi bəyannamələrinə həsr olunmuş xüsusi kitabçaların nəşri, brifinq və seminarların keçirilməsi kimi vergi ödəyiciləri ilə apardığı tədbirlər təsir göstərib.
2008 - ci il dekabrın 29-na olan məlumata görə, Vergilər Nazirliyi 42452 vergi ödəyicisi ilə, o cümlədən 7766 əlavə dəyər vergisi ödəyicisi ilə vergi bəyannamələrinin vergi orqanlarına elektron şəkildə təqdim edilməsi barədə müqavilə bağlayıb.
Müəlliflə əlaqə saxlamaq üçün elektron ünvan: [email protected]