Gürcüstan, Tbilisi, 05 mart / Trend , müxbir N.Kirtsxalia /
"Azərbaycan Hava Yolları" şirkəti (AZAL) Bakı və Batumi (Gürcüstanın Qara dəniz sahilləri) arasında aviareyslərin həyata keçirilməsində maraqlıdır. Bu barədə AZAL aviaşirkətinin Gürcüstandakı nümayəndəsi bildirib.
Hazırda şirkət Bakı-Tbilisi istiqamətində reyslər həyata keçirir və kurort mövsümünün başlanmasınadək Batumi istiqamətində də uçuşların təşkil edilməsi planlaşdırılır.
AZAL nümayəndəsi bildirib ki, bu mövzu ilə bağlı Acariya regionu rəhbəri ilə aviaşirkət rəhbərliyi arasında ilkin razılaşma əldə olunub. Yaxın vaxtlarda "Azərbaycan Hava Yolları" icazənin verilməsi sorğusu ilə Gürcüstanın Nəqliyyat Administrasiyasına müraciət edəcək.
Məqalə müəllifi ilə əlaqə ünvanı - [email protected]
