Azərbaycan, Bakı, 11 mart / Trend /
Azərsu SC 2009-cu ildə Bakının su ilə təmin edilməsi sistemlərinin tikintisi və bərpası çərçivəsində tikinti-montaj işlərinin aparılması üzrə tender elan edib, - SC-nin məlumatında deyilir.
Tender Badamdar qəsəbəsində eyniadlı su anbarının tikintisini, "Qərb" və "Alatava" su anbarlarının yenidən qurulmasını, "Şimal" su anbarından paytaxtın birinci və altıncı mikrorayonlarına dairəvi su kəmərinin çəkilməsini, "Şərq" su anbarından Bakıxanov və Qaraçuxur qəsəbələrinə su xətlərinin çəkilməsini nəzərdə tutur.
Tenderdə iştirak üçün maraqlananlar hər bir lot üçün 300 manat ödəməlidir. Tender təklifləri aprelin 29-na kimi SC-də qəbul ediləcək. Tender aprelin 30-da baş tutacaq.
Tikinti və yenidən qurma işləri ilin sonuna kimi tamamlanmalıdır.
