Azərbaycan, Bakı, 17 mart / Trend , müxbir Ü.İsmayılova /
Azərbaycanın Dövlət Sosial Müdafiə Fondu təqaüd ödənişlərinin dəyişkən qrafikinin tətbiqi əleyhinə çıxış edir, - fondun sığorta təqaüdü siyasəti və strateji tədqiqatlar şöbəsinin başçısı Elman Mehdiyev bildirib. (Həmin təklif Azərbaycanın Beynəlxalq bankı tərəfindən də edilib.)
"Maliyyələşdirmənin bu qrafiki təqaüdçülərin narazılığına səbəb olur", - deyə Mehdiyev bildirib.
Onun sözlərinə əsasən, onların narazılıq etməyə haqqı var, çünki bütün təqaüdçülər təqaüdlərini öz vaxtında və eyni vaxtda almaq istəyirlər.
"Bu həmçinin sosial müdafiə nöqteyi nəzərindən də yanlışdır", - deyə Mehdiyev bildirib.
"Dövlət Fondu sifarişçi kimi əhalinin təqaüdlərinin vaxtında ödənilməsi üzrə bütün öhdəliklərini yerinə yetirir və biz hesab edirik ki, bank agentləri də öz funksiyalarını vaxtında icra edəcəklər, bununla da heç bir problem yaranmayacaq", - deyə Mehdiyev qeyd edib.
Bununla bərabər, ABB-də hesab olunur ki, təqaüdlərin bir gün ərzində verilməsi bankomatlar qarşısında növbələrin yaranması, onlarda pulların qurtarması ilə nəticələnir ki, bu da təqaüdçülərin narazılığına səbəb ola bilər. Bunula əlaqədar olaraq Beynəlxalq Bank Dövlət Fonduna ərazilər əsasında təqaüd verilişlərinin günlərə bölünməsi təklifini edib. Bu zaman təqaüdlər müxtəlif vaxtlarda paylanılacaq, bu isə bankomatlar qarşısında növbələrin yaranmasının qarşısını alacaq.
ABB-nin respublikanın müxtəlif ticarət məntəqələrində 600 bankomat və təqribən 3 min POS terminalları quraşdırılıb.
Azərbaycanda təqaüdçülərin sayı 1,26 milyon təşkil edir ki, bunun da 1,03 milyon nəfəri təqaüdü plastik kartlarla alır. Bakıda təqaüd ödənişlərinin avtomatlaşdırılması 100, regionlarda isə 90 faiz təşkil edir.
Məqalə müəllifi ilə əlaqə ünvanı: [email protected]
