Azərbaycan, Bakı, 22 aprel / Trend , müxbir А.Bədəlova /
"Beynəlxalq Maliyyə Korporasiyası (BMK) Azərbaycan və Mərkəzi Asiya (Türkmənistan və Qazaxıstan istisna olmaqla) üçün maliyyə infrastrukturunun möhkəmləndirilməsi üzrə yeni proqram hazırlayır", - çərşənbə günü regionda lizinqin inkişafı üzrə BMK-nın layihə meneceri Anastasiya Marina deyib. Proqram 2005-ci ildən fəaliyyətdə olan lizinq layihəsini əvəzləyəcək.
Onun sözlərinə görə, hazırda proqram hazırlanma mərhələsindədir və onun iş planı müəyyənləşdirilir.
"BMK maliyyə cəlb etmək üçün potensial donorlarla danışıqlar mərhələsindədir, - Marina deyib. - Hazırda bu layihə yalnız İsveçrənin iqtisadi əlaqələr üzrə dövlət komissiyasına (Seco) təklif olunub. İyun ayında donorlardan müsbət cavab gözlənilir. Müvafiq olaraq proqramın işə buraxılışı iyul ayında mümkündür".
Proqram üç ilə hesablanıb. Onun daha iki il uzadılması mümkündür.
Seco-dakı mill proqramın rəhbəri Nailə Səfərovanın sözlərinə görə, Seco proqramın realizəsi üçün təxminən 2,4 milyon dollar ayıracaq.
2003-cü ildən etibarən korporasiya ölkədəki lizinqin inkişafına altı milyon dollar sərmayə qoyub, Seco isə 3 milyon dollar yönəldib.
2007-ci ilin yekunlarına əsasən Azərbaycanın lizinq sektorunda 12 şirkət fəaliyyət göstərirdisə, indi onların sayı 19-dur. 2008-ci ilin yekunlarına əsasən Azərbaycanda lizinq portfelinin ümumi həcmi 208 milyon dollar təşkil edib.
Məqalə müəllifi ilə əlaqə ünvanı: [email protected]