Azərbaycan, Bakı, 05 iyun / Trend , müxbir N.İsmayılova /
Beynəlxalq Valyuta Fondunun Yaxın Şərq və Mərkəzi Asiya üzrə departamentinin direktor müavini Valeri Fikeranın Azərbaycana səfəri sentyabr ayına ertələnib. Bu barədə cümə günü BVF-in Bakı nümayəndəliyinin başçısı Koba Qvenetadze bildirib.
Öncədən bildirilmişdi ki, Fikera iyun ayında BVF-in yaradılması üzrə müqavilənin IV maddəsi üzrə Azərbaycan hökuməti ilə konsultasiyalar aparmaq məqsədilə ölkəyə səfər edəcək.
"Səfər sentyabr ayına ertələnib, lakin dəqiq tarixi müəyyənləşdirmək çətindir, belə ki, qlobal maliyə böhranı səbəbilə BVF-də işin həcmi artıb", - deyə Qvenetadze bildirib.
Müqavilənin IV maddəsi üzrə konsulatsiyalar BVF-ə üzv dövlətlərin hamısında ildə bir dəfə keçirilir. Əsas məqsəd ölkə iqtisadiyyatının inkişafının perspektivləri üzrə hökumətin qısamüddətli və ortamüddətli məsələlərinin qiymətləndirilməsi, struktur dəyişiklik planlarının müzakirəsidir. Missiya səfərin yekunları üzrə adətən hesabat hazırlayır. Hesabat BVF-in İcraçı Direktorları Şurasına baxılmaq üçün çıxarılır.
Azərbaycan hökuməti artıq dörd ildir ki, Valyuta Fondu ilə müqavilənin IV maddəsi çərçivəsində konsultasiyalar səviyyəsində əməkdaşlıq aparır. Buna görə də, proqram əsasında əməkdaşlıq perspektivlərinə səfərlər çərçivəsində demək olar ki, toxunulmur. Bundan əlavə, BVF tərəfindən müxtəlif istiqamətlərdə göstərilən texniki yardımın həcmi də artır.
Məqalə müəllifi ilə əlaqə ünvanı: [email protected]