Azərbaycan, Bakı, 10 iyun / Trend , müxbir Ü.İsmayılova /
Azərbaycanda iyun ayında bələdiyyə torpaqlarının satışı üzrə daha 38 hərrac və müsabiqə keçiriləcək. Bu barədə çərşənbə günü Azərbaycanın Torpaq və Xəritəçəkmə Dövlət Komitəsindən bildirilib.
Komitətədən bildirilib ki, Yevlaxda 7, Mingəçevir, Goranboy və Tovuzda 5, Xırdalan və Xaçmazda 4, Saatlı, Qax və Cəlilabadda 2, Naftalan və İmişlidə isə 1hərrac keçiriləcək.
Azərbaycanda ilk iki hərrac mart ayında Abşeron rayonunda keçirilib. Mayda bələdiyyə torpaqlarının satışı üzrə daha səkkiz müsabiqə keçirilib.
Azərbaycan Prezidentinin sərəncamına əsasən, 2008-ci ilin dekabr ayının 10-dan etibarən yerli idarəetmə orqanlarının torpaqlarının satışı hərrac yolu ilə keçirililəcək, onların keçirilməsi üzrə səlahiyyət Torpaq və Xəritəçəkmə Dövlət Komitəsinə verilib. Əvvəl bi səlahiyyətə müvafiq bələdiyyə orqanları malik idi.
Hərrac qalibi ilə müqavilə 20 gün ərzində bağlanılır.
Məqalə müəllifi ilə əlaqə ünvanı: [email protected]
