Azərbaycan, Bakı, 16 iyul / Trend , müxbir U.İsmayılova /
1990-cı ildə Azərbaycanın daşınmaz əmlak obyektlərinin özəlləşdirilməsinin başlanmasından etibarən 2009-cu ilin iyul ayının 1-dək ölkədə 23,1 milyon kvadratmetr və ya 421,9 min mənzil özəlləşdirilib. Bu barədə Dövlət Statistika Komitəsindən bildirilib.
"Daşınmaz əmlakın özəlləşdirilməsi 68,9 faiz həyata keçirilib", - komitədən deyilib.
Birinci yarımildə Azərbaycanda 313,1 min kvadratmetr, və ya 4,9 min mənzil özəlləşdirilib. Onlardan 2,9 min mənzil və ya 61,6 faiz Bakıda özəlləşdirilib.
Azərbaycanda "Azərbaycan Respublikasının Mənzil Fondu haqqında" Qanun 1989-cu ildə qəbul edilib. Qanun mənzillərin vətəndaşlara pulsuz verilməsini nəzərdə tutur ki, bu da onların dövlət balansından özəl mülkiyyətə çevrilməsi deməkdir. Özəlləşdirmə prosesinin gedişində öz mənzillərini özəlləşdirən vətəndaşlar şəxsi mülkiyyət sahibi olanların sırasına keçib.
Məqalə müəllifi ilə əlaqə ünvanı: [email protected]