Gürcüstan, Tbilisi, 04 avqust / Trend , müxbir N.Kirsxaliya /
"Gürcüstanın 2009-cu il dövlət büdcəsinin tam gəlirlərinin proqnoz göstəricisi (öhdəlik artımı olmadan) 3 079,7 milyon lari həcmində müəyyən edilib. Bununla belə büdcəyə 3 097,95 milyon lari daxil olub. Yəni göstərici 101 faiz yerinə yetirilib", - maliyyə nazirliyinin mətbuat xidmətindən deyilib.
Büdcə gəlirləri 2 810,95 milyon lari təşkil edib ki, proqnoz 2 797,8 milyon lari olub.
İlin birinci yarısında Gürcüstan büdcəsinin xərcləri 2 503,5 milyon lari təşkil edib. Proqnoz 2 496,7 milyon lari olub.
Qeyri-maliyyə aktivlərinin realizəsindən 114,8 milyon lari əldə olunub ki, bu da proqnoz göstəricisindən beş faiz çoxdur.
Maliyyə aktivlərinin realizəsindən 172,2 milyon lari əldə olunub ki, bu da proqnoz göstəricisinin 100 faizini təşkil edir.
Məqalə müəllifi ilə əlaqə ünvanı: [email protected]
