Azərbaycan, Bakı, 17 avqust / Trend , müxbir Ü.İsmayılova /
"Azərbaycanda yeddi ay ərzində ümumi məbləği 229,8 milyon manat olan 891 obyektin tikintisi üçün xüsusi icazələr verilib", - bazar ertəsi Dövlət Statistika Komitəsindən məlumat verilib.
Onlardan 549-u (79,3 milyon manat) yaşayış binaları, 300-ü ticarət və xidmət obyekti (11,7 milyon manat), 6-sı isə kənd təsərrüfatı obyektlərinin (0,9 milyon manat) tikintisi üçün verilib.
Bununla yanaşı, dörd icazə nəqliyyat (89,6 milyon manat), iki icazə sənaye təyinatlı (0,1 milyon manat) və 30 icazə (48,2 milyon manat) digər obyektlərin tikintisinə verilib.
Avqustun 17-nə olan rəsmi məzənnə 0,804 AZN/USD təşkil edir.
Məqalə müəllifi ilə əlaqə ünvanı: [email protected]
